دارميات اتخبل

للروح أرش بارود ونسف أثرها
دلالي لو ينساك وأمشي بأمرها
لا لا ترش بارود لا لا تهم بيه
دلالي ما ينساك غصبن عليه



كل يوم بقطار نروح ونغفة بمحطته...وننتظر ريل الموت ياخذنة سكتة

لاتنكر الرباك وتتكبر بســاع ... الورد مهما يفوح ماينكر الكـــاع

هم دنيه تنحسبين واتحاسب اعليج ... لاساعه لافد يوم كلبي افتره بيج

راح الازامط بيـه مامنة جيه ... خلاني كالمجنون واصفك بديــــه

الميت شمدري باليمشي جنـاز ... لاجن طبع بالروح تمشي وية العزاز



سابيني هذا البيت من دون البيوت
لا درج تصعد ليه ولا رخصة وتفوت

سابيك هذا البيت خوب أكسر الباب
وأتحمل الصدعات من أجل الأحباب


اوصـــلكم شما جرتو ولاقطاع
ورضة عبد لمذلتكم والاقطاع
شتظن نرجع قسمنة والاقطاع
وتعود ايامنة الجانت زهية




من روحي تطلع روح...تطلع وردهة
السبــب من فركاك...ظـلت وحدهة
**********
رفت عليــك العيـن...وانته بجفنها
وخل تعمة بس تلكاك...وانته اغله منها
**********
رفت عليــك العيـن...زايد بجيها
تلفت ترة بفركــاك...يمته تجيها

اعتذر عن التطفل بس اتخيل انو هذا الباب مخصص للشعر بالعربيه الفصحى وهناك ابواب مخصصة للشعر الشعبي لذا ارجو مراعاة هذه الخصوصية لكل فئة من اجل تطوير هذا المنتدى الجميل ومراعاة وجود الرقابة علة عناوين المواضيع مع خالص الشكر والاحترام لاعضاء الموقع.