ما ارتاحله /شعبي

ماأرتاحله؟؟؟ماارتاحله بـس افرح بملكاه
ماارتاحله وكل راحتي عنــــــــده .
ماارتاحله واتســنط الطاريه
واترقب اخباره وجنـــــــــي ماوده .
ماارتاحله واحجيهه بين الناس
واليحجي عليه من عدهم اشحـــــــده ؟؟
واتفاجئوا اهلي وربعي والجيران
ماعرفوني اني اوياه لو ضـــــده .
مايدرون بيه من كثر ماغار
اشك حتى بابوه لو باسه من خــــــده!!!
وغار امن الكتاب الشبك صدره ونام!
وضوج امن القلم جي صابعه اتسنده ؟
يظل للظهر نايم مو لأن سهران.
ماتقبل تعوف اخدوده لمخـــده !
لبن اربيل جسمه وينشرب بالعين
وهزيته بعيوني وطلعت الزبـــده
توصل بيه حاله (العلك) ماثق بيه
اخاف امن العلك يتلمس بزنـــــده ؟
كلبي اشكد قوي يوكف بوجه الريح.
ويخلي العواصف تخدر وتهــــده .
بس اكبال طوله كلبي يهتز ليش
وظل يزغر بعيني وصار هالكـده !؟
اشكد اشتاقله واتمنى اشوفه بطيف
ومن يكبل اغمض حتى ماحسده ؟
ماباوع عليه واحنه عين بعين .
واتنـــوع كفاه وهو يتعــــــده ؟
وعيني اتوصله الحد مايدك الباب.
ويسد الباب حيل وجفني ماســـده!
واكلب وجهي عنه واشم عطره ايفوت.
يخدر باب كلبي وينزع البرده ؟؟
وماوكف ادموعي الحفرن الوجنات
بس وكفت بعيني الشامه لبخده!؟
ويعتب على السده التشرب امن الماي .
وماعاتبت مايه الماكل الســـده؟
وماوخرت من هد اعله جرفي الروج.
لأن بس اني اوخر هو يتبده ؟؟
وصرت ورده واستنكف مزهريتي ايصير.
وفضل المزهريه ايعود للورده؟
يسد باب الدمع بعيوني من ايبات.
وطلع من عيني بس الباب ماســـده؟؟؟

رووووووووووووووووووووووووووووووووووووووووووووووووووووعة